Wikipedia:Dagens skandinaviske artikel/Nynorsk/Uge 52, 2024

Slade er eit engelsk rockeband skipa i Wolverhampton i 1966. Det slo gjennom i glamrocktida tidleg i 1970-åra, med 17 topp 20-hittar på rad der seks av dei gjekk til topps på UK Singles Chart. British Hit Singles & Albums kåra Slade til den mest suksessrike britiske gruppa i 1970-åra basert på singelsal. Bandet var det første som fekk tre singlar rett inn på toppen av lista, og dei seks førsteplassane det hadde var alle skrivne av Noddy Holder og Jim Lea. I 2006 hadde gruppa selt 6,5 millionar plater i Storbritannia, og den bestseljande singelen hennar «Merry Xmas Everybody» har selt over ein million eksemplar. Les meir …